#ബാഫഖി_തങ്ങളുടെ_സമസ്തയും_ലീഗും
"മാപ്പിള സമുദായത്തിന്റെ മഹാരാജാവായ ബാഫഖി തങ്ങളെ ഞാന് സ്വാഗതം ചെയ്യുന്നു"
കേരള ചരിത്രത്തിലെ ഐതിഹാസികമായ #വിമോചന സമരത്തിന്റെ മുന്നിരയിൽ ഉണ്ടായിരുന്ന ബാഫഖി തങ്ങൾക്ക് അഭിവാദ്യം നേർന്ന് കൊണ്ട് #മന്നത്ത്_പത്മനാഭൻ പറഞ്ഞതാണ് ഇത്.
അതെ; മത, രാഷ്ട്രീയ, വിദ്യഭ്യാസ,സാംസ്ക്കാരിക മേഖലയിൽ സമുന്നത മാറ്റങ്ങളിലൂടെ മുസ്ലിം കൈരളിക്ക് ദിശാബോധം നൽകിയ ഖാഇദുൽ ഖൗo ആണ് #അബ്ദുറഹ്മാൻ_ബാഫഖി_തങ്ങൾ.
#സമസ്ത കേരള ജംഇയ്യത്തുൽ ഉലമയുടെയും #മുസ്ലിം_ലീഗിന്റെയും നേതൃനിരയിൽ മൂന്നര പതിറ്റാണ്ട് കാലം നിറസാനിധ്യമായിരുന്നു #ബാഫഖി_തങ്ങൾ.
1945 ൽ നടന്ന 16 ആംമത് സമസ്ത സമ്മേളനത്തിലെ ബാഫഖി തങ്ങളുടെ പ്രസംഗമാണ് സമസ്തയുടെ കീഴിൽ മതവിദ്യാഭ്യാസ രംഗത്ത് മഹത്തായ വിപ്ലവം സൃഷ്ടിച്ച സമസ്ത കേരള ഇസ്ലാം മത വിദ്യാഭ്യാസ ബോർഡ് രൂപീകരണത്തിനു പ്രചോദനമായത്. 1951 രൂപീകൃതമായ പ്രഥമ വിദ്യാഭ്യാസ ബോർഡ് കമ്മിറ്റിയിൽ ട്രഷറർ ആയിരുന്നു ബാഫഖി തങ്ങൾ അത് മരണം വരെ തുടരുകയും ചെയ്തു.
മഹല്ല് തലങ്ങളിൽ മദ്രസ സംവിധാനങ്ങൾക്ക് തുടക്കം കുറിക്കുച്ചു. സനദ് നൽകുന്ന അറബിക് കോളേജുകൾ തുടങ്ങാൻ അതിയായ ആഗ്രഹം പ്രകടിപ്പിച്ചിരുന്ന ബാഫഖി തങ്ങൾ തന്നെയായിരുന്നു 1962 ൽ മുശാവറ തീരുമാനപ്രകാരം രൂപീകൃതമായ സമസ്ത കേരള ജംഇയ്യത്തുൽ ഉലമാ അറബിക് കോളേജ് കമ്മിറ്റിയുടെ പ്രസിഡണ്ട്. ജാമിഅ: നൂരിയ്യ: സ്ഥാപിതമായതിലൂടെ ബാഫഖി തങ്ങളുടെ ആ സ്വപ്നവും പൂവണിഞ്ഞു. MES ന്റെ തുടക്ക കാലഘട്ടത്തിൽ ബാഫഖി തങ്ങൾ വളരെ സഹായിച്ചിരുന്നു. മത വിരുദ്ധ പ്രവർത്തനംമൂലം സമസ്ത മുശാവറ MES നെതിരെ തീരുമാനം എടുത്തപ്പോൾ ആദ്യമായി സ്ഥാനം ഒഴിയുന്നത് ബാഫഖി തങ്ങൾ തന്നെയായിരുന്നു.
1936 ലെ മദിരാശി നിയമസഭയിലേക്കു നടന്ന തെരഞ്ഞെടുപ്പിൽ ബാഫഖി താങ്ങളുടെ ബന്ധുവായിരുന്ന ആറ്റക്കോയ തങ്ങൾക്ക് വേണ്ടി പ്രവർത്തിച്ചായിരുന്നു രാഷ്ട്രീയ രംഗത്തേക്ക് അരങ്ങേറ്റം കുറിച്ചത്. തെരഞ്ഞെടുപ്പിൽ ആറ്റക്കോയ തങ്ങൾ വിജയിക്കുകയും വഴിയെ ബാഫഖിതങ്ങൾ മുസ്ലിംലീഗിന്റെ അതിശക്ത നേതാവായി മാറുകയും ചെയ്തു.
1952 ലെ പൊതുതെരഞ്ഞെടുപ്പിൽ മുസ്ലിംലീഗിനെ നയിച്ചത് ബാഫഖി തങ്ങളായിരുന്നു. മുഖ്യധാര രാഷ്ട്രീയ പാർട്ടികളെല്ലാം മുസ്ലിം ലീഗിനോട് അകലം പാലിച്ചപ്പോൾ ഇന്ത്യയിലെ ഏറ്റവും വലിയ രണ്ടാമത്തെ പാർട്ടിയായിരുന്ന പി എസ് പി യുമായി സഖ്യം ഉണ്ടാക്കിയത് ബാഫഖി തങ്ങളുടെ രാഷ്ട്രീയ തന്ത്രജ്ഞതയുടെ ഏറ്റവും വലിയ തെളിവാണ്. ഇത് കേരളരാഷ്ട്രീയത്തിൽ മുസ്ലിം ലീഗിന്റെ വലിയ മുന്നേറ്റത്തിന് കാരണമായി.
#കമ്മ്യൂണിസ്റ്റ് ഗവൺമെന്റ് എതിരായി കേരള ജനത നടത്തിയ വിമോചന സമരത്തിന്റെ മുൻനിരയിൽ മന്നത്ത് പത്മനാഭനൊപ്പം ബാഫഖി തങ്ങളും മുസ്ലിം ലീഗും അണിനിരന്നിരുന്നു. അക്കാലത്തിലെ ഒരു പ്രധാനമുദ്രാവാക്യങ്ങളിലൊന്നായിരുന്നു
"പട്ടം-മന്നം-ബാഫക്കി തങ്ങൾ- ആർ ശങ്കർസിന്ദാബാദ്" എന്നത്
1966 ൽ മുസ്ലിം ലീഗിന്റെ മദിരാശി പ്രമേയം കോൺഗ്രസിതര ബദൽ ഗവൺമെന്റ്കൾക്ക് പിന്തുണ കൊടുക്കാനാണ് ആഹ്വാനം ചെയ്തത്. ഇതിന്റെ അടിസ്ഥാനത്തിൽ #കോൺഗ്രസിനെ എതിർക്കുന്ന 7 കക്ഷികളുടെ പിന്തുണയോടെ മുന്നണി രൂപീകരിച്ചു. 'മുന്നണിരാഷ്ട്രീയം' എന്ന ആശയത്തിനു രൂപം നൽകിയവരിൽ പ്രധാനിയായിരുന്നു ബാഫഖി തങ്ങൾ.
ഈ മുന്നണി അധികാരത്തിൽ എത്തുകയും #മുസ്ലിംലീഗിന് രണ്ടു മന്ത്രിപദങ്ങൾ ലഭിക്കുകയും ചെയ്തു. ഇത് ബാഫഖി തങ്ങളുടെ വലിയ രാഷ്ട്രീയ വിജയം തന്നെയായിരുന്നു. കേരള രാഷ്ട്രീയത്തിലേയും നിയമസഭയുടെയും രാഷ്ട്രീയ ഇടനാഴികളിലെല്ലാം ബാഫഖി തങ്ങൾ തുല്യതയില്ലാത്ത നേതാവും സർവ്വസ്വീകാര്യനുമായിരുന്നു...
#ഇരുപതാം_നൂറ്റാണ്ട് കൈരളിക്ക് സമ്മാനിച്ച നവോത്ഥാന നായകരിൽ തലയെടുപ്പോടെ നിൽക്കുന്നുണ്ട് നബി (സ) യുടെ സന്താന പരമ്പരയിലെ 37 മത്തെ കണ്ണിയായ #ബാഫഖീഹ് പരമ്പരയിലെ ബാഫഖി തങ്ങൾ.
1973 ജനുവരി 19 ദുൽഹിജ്ജ മാസത്തിൽ ഇരുപത്തിമൂന്നാമത്തെ ഹജ്ജ് ചെയ്ത് വെള്ളിയാഴ്ച രാവിൽ പരിശുദ്ധ മക്കയിൽ വെച്ച്തന്നെ ഇഹലോകത്തോട് വിടപറഞ്ഞു. നബി(സ) യുടെ പത്നി ഖദീജ ബീവിയുടെ ഖബറിടത്തിന് സമീപം തങ്ങൾ അന്ത്യവിശ്രമം കൊള്ളുന്നു...
ഇന്നേക്ക് 48 വർഷം.... നാഥൻ ആ മഹാനോട് കൂടെ നമ്മേയും സ്വർഗത്തിൽ ഒരുമിച്ച് കൂട്ടട്ടെ.. ആമീൻ 🤲
✍️ Saeed Veeramangalamh
ttps://www.facebook.com/Saeed-Veeramangalam-105449808198384/
Comments
Post a Comment