#ഫായിസ്,  #പരാജയപെട്ടിട്ടും__വിജയമാക്കിമാറ്റിയ___മാന്ത്രികൻ...!!!

✍ സഈദ് വീരമംഗലം - നമ്മളൊരു എഴുത്തുകാരനായിരുന്നല്ലേ...!!!

ഒരു പ്രാസംഗികൻ..?

ഒരു പാട്ടുകാരൻ....?

ഒരു ചിത്രകാരൻ..?

അങ്ങനെ അങ്ങനെ ഒരുപാട്.....

അതെ അന്ന് പാട്ടിൽ താളം പിഴച്ചനേരം  വരെ, പ്രസംഗത്തിനിടയിലെപ്പോഴോ ഇടറിയ നിമഷം വരെ, പൂർത്തിയാക്കാൻ കഴിയാത്ത കഥയുടെ രണ്ടാം പേജ് വരെ,

വരച്ചിട്ടും വരച്ചിട്ടും ശരിയാവാത്ത മുഖചിത്രം വരെ...,  അതെ പലരും അതുവരെ മാത്രം...,മറ്റുചിലർ ഫായിസിനെ പോലെ അതിനുമപ്പുറം...

കടലാസ് പൂവിന്റെ നിർമിതിയിൽ എവിടെയോ പിഴച്ചപ്പോൾ 

#ഇന്റെത്_റെഡ്യായില്ല..."

#അയ്നൊരു_കൊയപ്പുല്ല്യ..."

എന്ന് ഫായിസ് മോൻ പറഞ്ഞത് പോലൊരാശ്വാസവാക്ക് അന്നേരം നമുക്ക് സ്വയമൊന്ന്  ചിന്തിക്കാൻ പോലും കഴിഞ്ഞില്ല ,  അല്ലങ്കിൽ നമ്മോട് പറയാൻ ആരുമില്ലായിരുന്നു...,  

അതെ അത് കൊണ്ട് തന്നെയാണ്  നമ്മളും ആ  "....കാരനും" തമ്മിൽ  കുലബന്ധം പോലും പിന്നീട് കാണിക്കാൻ കഴിയാതരുന്നത്.

അന്ന് നമ്മുടെ സ്വന്തം കഴിവിനോട്‌ മടുപ്പും പുച്ഛവും തോന്നിയത്,  നമ്മുടെ  കഴിവിനേക്കാൾ മൂല്യം മുന്നിൽ പ്രതിഷ്ഠിച്ച വെറും കാഴ്ചക്കാർക്ക് നൽകിയതിനാൽ കൂടിയാണ്....

#മറ്റൊരർത്ഥത്തിൽ...

"കുഴപ്പമില്ല" (സാരമില്ല) എന്ന സ്വയവും പരസ്പരവും പറയാൻ മറന്ന ആശ്വാസവാക്കിനെ

"ക്കൊരു  കൊയപ്പോല്ല ഇജ്ജന്റെ പണിനോക്ക്"  എന്ന ഒഴിഞ്ഞുമാറലിൽ മാത്രം കെട്ടിവലിച്ചു ശീലിച്ച നമ്മളെ ആ നാലാം ക്ലാസുകാരാൻ തിരുത്താൻ ശ്രമിക്കുകയാണ്...

പ്രസംഗത്തിനിടയിൽ ഇടറുമ്പോൾ...

പാട്ടിനിടയിൽ താളം പിഴക്കുമ്പോൾ...

കഥകളും വരികളും വരകളും  മുറിയുമ്പോൾ... അതിനെല്ലാമപ്പുറം ജീവിതഘട്ടങ്ങളിലെ എല്ലാതകർച്ചയിലും ഇടർച്ചയിലും

"കുഴപ്പല്ലടാ.../സാരല്ലടാ " എന്നും പറഞ്ഞ്  സ്വയവും പരസ്പരവും ചേർത്തു പിടിക്കാൻ ആ നാലാം ക്ലാസുകാരൻ നമ്മെ ശീലിപ്പിക്കുകയാണ്...,

പിൻമാറാൻ മനസ്സില്ലാത്തവർക്ക് അവന്റെ വാക്കുകൾ ഒരു മന്ത്രം തന്നെയാണ്...,

#ചെലോലത്_റെഡ്യാവും

#ചെലോലത്_റെഡ്യാവൂലാ

#ഇന്റേത്_റെഡ്യായില്ല...

#നിക്ക്_അയിനൊരു_കൊയപ്പോല്ല..."

എത്രയാണെല്ലേ ഈ മന്ത്രം നമ്മൾ വീണ്ടും വീണ്ടും ചൊല്ലിയത്,  പിന്നെയും ചൊല്ലിയത്... !!!

"ട്രൻഡായിമാറുന്നത് ഗുണപാഠങ്ങളിലേക്കാവട്ടെ..."

ഒരു പക്ഷേ  ഫായിസ് മോൻ നിർമിക്കാൻ ശ്രമിച്ച പൂവ് വിജയിച്ചിരുന്നെങ്കിൽ...                                                                അവനെ  ആരും     തിരിച്ചറിയില്ലായിരുന്നു...

കടലാസ് പൂവിന്റെ നിർമിതി പരാജയപെട്ടിട്ടും  അവനവിടെ വിജയിച്ചത് സ്വയം പറഞ്ഞ മന്ത്രങ്ങളാണ്...                                                                  

ചിലത് അങ്ങനെയാണ്  വിജയത്തേക്കാൾ മൂല്യവും ശക്തിയും  പരാജയങ്ങൾക്ക് ഉണ്ടാകും...

പലപ്പോഴും അപൂർണതകളും വിജയങ്ങൾ തന്നെയാണ്...

അതിനൊരു കൈ അകലത്തിന്റെ കാത്തിരിപ്പേ വേണ്ടിവരൂ...

#Be_positive...  #Be_patient....